Mae’n lle i chi gwrdd â phobl eraill, cael cefnogaeth iechyd meddwl, dod o hyd i gyfleoedd gwirfoddoli, a chymryd rhan mewn grwpiau a allai helpu i roi hwb i’ch lles.

Mae’n addas i unrhyw un 11-17 oed.

Rydym yn gwneud llawer o bethau mewn perthynas ag iechyd meddwl a lles pobl ifanc. Nid ydym yn hoffi pan fydd pobl ifanc yn cael gwybod beth sydd ei angen arnynt yn syml, neu fod rhywbeth ‘o’i le’ â nhw. I ni, mae’n bwysig iawn gwrando ar bobl, clywed beth maent yn ei ddweud wrthym, a gweithio â phob unigolyn i ddarganfod â’n gilydd pa bethau fydd yn helpu mewn gwirionedd.

Rydym hefyd yn dwlu ar gysylltiad, oherwydd ein bod yn gwybod y gall ynysiad fod yn beth anodd iawn i les. Dyna pam, yn ogystal â chefnogaeth iechyd meddwl, mae gan Yr Hangout grwpiau a ffyrdd eraill i chi gyfarfod â phobl.

Beth sydd yno?

• Cefnogaeth iechyd meddwl galw heibio (unrhyw bryd rydym ar agor!)
• Cefnogaeth iechyd meddwl wedi’i threfnu (os byddai’n well gennych wneud apwyntiad)
• Grwpiau lles
• Grwpiau creadigol
• Gwirfoddoli

Caerdydd a Y Barri

Mae’n swnio’n dda. Beth sydd angen i mi ei wneud?

Rydym ar agor rhwng 3pm a 9pm yn ystod yr wythnos, a rhwng 12pm a 6pm ar benwythnosau. Ar gyfer y rhan fwyaf o bethau, gallwch alw heibio a gofyn unrhyw beth rydych am ei wybod.

Ar gyfer cymorth iechyd meddwl, gall unrhyw un sy’n teimlo bod angen ychydig o gymorth arno ddod i siarad â ni, a gyda’n gilydd byddwn yn datrys beth i’w wneud nesaf.

Ar gyfer grwpiau lles, grwpiau creadigol neu wirfoddoli, dewch i siarad â ni am yr hyn sy’n digwydd a phryd, neu cysylltwch â ni gan ddefnyddio’r manylion isod.

Os byddai’n haws gennych drefnu apwyntiad ar gyfer unrhyw beth rydyn ni’n ei wneud, mae hynny’n iawn hefyd. Cysylltwch â hangout@platfform.org a byddwn yn cysylltu.

Sut ydw i’n cyrraedd yno?

26-28 Ffordd Churchill, Caerdydd CF10 2DY

Google Maps

3A Tynewydd Road, Y Barri CF62 8HB

Google Maps

Sut ydw i’n gwneud cyswllt?

Rydym ar agor rhwng 3pm a 9pm yn ystod yr wythnos, a rhwng 12pm a 6pm ar benwythnosau.

Os byddai’n haws gennych drefnu apwyntiad ar gyfer unrhyw beth rydyn ni’n ei wneud, mae hynny’n iawn hefyd. Cysylltwch â hangout@platfform.org a byddwn yn cysylltu.

Neu ffoniwch

Caerdydd 07811375417

Y Barri 07385668053

Pwy sy’n ei redeg?

Platfform ydym ni, elusen iechyd meddwl ac mae Bwrdd Iechyd Prifysgol Caerdydd a’r Fro yn ariannu’r Hangout.

Os ydych chi’n gweithio gyda pherson ifanc 11-17 oed yr hoffech ei gyfeirio atom, gallwch gysylltu â ni yma hangout@platfform.org

Rydym yn gweithio’n agos â gwasanaethau eraill y mae Bwrdd Iechyd Prifysgol Caerdydd a’r Fro yn eu rhedeg sy’n cefnogi pobl ifanc. Mae hyn yn golygu ein bod yn gallu siarad â’n gilydd i wneud yn siŵr eich bod yn cael y gefnogaeth orau bosibl. Efallai y byddwn yn rhannu gwybodaeth â gwasanaethau eraill os credwn y bydd yn eich helpu chi neu os dymunwch i ni wneud hynny, ond ni fyddwn byth yn rhannu ag unrhyw un nad oes angen iddo/iddi wybod. Gallwch ddarllen mwy am sut rydym yn rhannu gwybodaeth yn ein taflen rhannu data

Abertawe, Castell-nedd a Phort Talbot

Ble i ddod o hyd i ni

Pencadlys Platfform, Tŷ Beaufort, Heol Beaufort, Treforys, Abertawe, SA6 8JQ

Beth sydd angen i mi ei wneud?

Rydyn ni ar agor 3.30pm – 7.30pm o ddydd Llun i ddydd Iau am gefnogaeth galw heibio. Ar gyfer y rhan fwyaf o bethau, fe alli di jyst troi fyny a holi unrhyw beth yr hoffet ti ei wybod.

Ar gyfer cymorth iechyd meddwl, gall unrhyw un sy’n teimlo eu bod angen ychydig o gymorth ddod i siarad â ni, a gyda’n gilydd fe wnawn ni weld beth i’w wneud nesaf. Galli drefnu apwyntiad 1 i 1 ymlaen llaw neu droi fyny ar y diwrnod a gofyn am un.

Ar gyfer grwpiau lles, grwpiau creadigol, neu wirfoddoli, rydyn ni’n cynnal gwahanol bethau ar wahanol ddiwrnodau ac maen nhw wedi’u rhannu yn ôl grŵp oedran i roi’r gefnogaeth orau i’n pobl ifanc. Mae dydd Llun a dydd Mercher ar gyfer plant 11-13 oed, a dydd Mawrth a dydd Iau ar gyfer plant 14-17 oed. Cysyllta i gael gwybod beth sy’n digwydd pryd, neu galli edrych ar Amserlen Hangout Abertawe a’r Castell-Nedd Port Talbot am ragor o wybodaeth.

Gwell gennych gynllunio ymlaen llaw?

Os byddai’n haws gen ti wneud apwyntiad ar gyfer unrhyw beth rydyn ni’n ei wneud, mae hynny’n iawn hefyd. Cysyllta â ni ar swanseahangout@platfform.org ac fe wnawn ni gysylltu’n ôl!

Os wyt ti’n cael cymorth iechyd meddwl gan wasanaeth gwahanol, gall y person rwyt ti’n gweithio gyda nhw yno gysylltu â ni hefyd; anfona’r dudalen hon atyn nhw.

Sut mae cysylltu?

Galli alw heibio i’n gweld unrhyw bryd rhwng 3.30pm a 7.30pm o ddydd Llun i ddydd Iau. Neu os byddai’n well gen ti, mae croeso iti gysylltu yn gyntaf neu drefnu apwyntiad

E-bostia ni: SwanseaHangout@platfform.org

Ffoniwch ni: 07436 139075

Ar gyfer staff y gwasanaeth iechyd meddwl

Os ydych chi’n gweithio gyda pherson ifanc rhwng 11 a 17 oed yr hoffech chi ei gyfeirio atom ni, gallwch gysylltu â ni SwanseaHangout@platfform.org