Ewan wyf i, a fi yw Prif Weithredwr Platfform.

Rwyf wedi gweithio yn y sector elusennol a thai yng Nghymru ers i mi symud i Gaerdydd pan roeddwn i’n bedair ar bymtheg oed. Rwy’n angerddol dros fy ngwaith ac wedi gweithio i fudiadau gyda phwrpas cymdeithasol erioed. Rwy’n ymwybodol ers plentyndod o’r diffyg cydraddoldeb a chyfiawnder cymdeithasol ofnadwy yn ein byd, ac mae hyn wedi gyrru llawer o’r hyn rwy’n ei wneud a’r ffordd rwy’n byw fy mywyd.

Rwy’n byw yng Nghaerdydd – yn falch o fod yn un o drigolion Sblot, ac rwy’n mwynhau llawer o dripiau i Sbaen lle mae fy mhartner yn byw.

Pan rwy’n edrych ar ôl fy iechyd corfforol ac emosiynol, fe welwch fi’n gwneud llawer o ymarfer corff, yn enwedig beicio. Dydw i ddim yn gyrru, felly rwy’n teithio o gwmpas ar fy meic ac ar drafnidiaeth gyhoeddus. Mi fydda’ i hefyd yn bwyta bwydydd iach, yn treulio llawer o amser gyda ffrindiau a theulu ac yn cerdded mynyddoedd.

Rwy’n gwybod bob tro bydda’ i’n flinedig, dan straen neu angen gorffwys, gan fod y pethau hyn yn llithro o fy ngafael – dydw i ddim yn cael digon o ymarfer corff, rwy’n bwyta bwyd nad yw’n iach, yn yfed gormod o win ac yn cau fy hun i ffwrdd.

Debbie Green wyf fi ac rwy’n Ymddiriedolwr yn Platfform. Fi yw’r ymddiriedolwr sydd wedi gwasanaethu’n hiraf erbyn hyn, er nad yw’n teimlo mor hir â hynny, gan fod Platfform yn fudiad uchelgeisiol sydd bob amser eisiau gwneud pethau newydd. Un o Lundain wyf i’n wreiddiol, ond ar ôl bod yn y brifysgol, symudais i Gaerdydd gyda fy mhartner, sy’n hanu o ogledd Cymru. Rwy’n byw yn y Mwmbwls nawr, ac yn atgyweirio byngalo yn ne Gŵyr. Mae gennyf un ferch sydd yn ei blwyddyn olaf yn y brifysgol.

Fy swydd go iawn gyntaf oedd hyfforddi i fod yn gyfrifwr, gan nad oeddwn i’n gwybod beth i’w wneud gyda gradd mewn hanes. Ar ôl gadael fy swydd yn un o’r pedwar cwmni cyfrifon mawr, treuliais amser yn teithio yn India, de ddwyrain Asia ac Awstralia, cyn dychwelyd i’r Deyrnas Unedig a darganfod ar hap mai gweithio yn y sector dielw rwy’n angerddol drosto. Treuliais amser yn y Cyngor Celfyddydau cyn symud ymlaen i Chwarae Teg, yr elusen datblygu economaidd ar gyfer menywod. Ar hyn o bryd, rwy’n Brif Weithredwr ar gymdeithas dai, y Coastal Housing Group, yn Abertawe.

Rwy’n dipyn o workaholic, felly does gen i ddim llawer o amser rhydd. Fodd bynnag, rwy’n mwynhau byw yn agos at y môr, ac rwy’n mynd allan am dro ar hyd yr arfordir pan bynnag fo’r cyfle’n codi. Rwy’n edrych ymlaen at gael ychydig o dywydd cynhesach er mwyn cael mynd i’r môr, gan fod nofio, yn enwedig yn yr awyr agored, yn rhywbeth rwyf wedi bod yn hoff iawn ohono erioed. Bu farw ein ci wedi’i achub yn ddiweddar ac unwaith y byddwn ni wedi symud i mewn i’n heiddo ein hunain rydym yn meddwl am gael ci arall; mae’r tŷ yn teimlo braidd yn wag heb un.

Rwyf wedi meddwl erioed mod i’n “berson cryf”, ond lol llwyr yw hynny mewn gwirionedd, a phan fu farw fy mam yn gymharol ifanc, a dim ond ychydig ar ôl i mi gael fy merch, fe wnes i ddal ati fel arfer am ychydig o fisoedd, cyn suddo i isafbwynt llwyr. Mae hynny, wedi’i gyfuno a sefyllfaoedd llawn straen yn y gwaith, wedi gwneud i mi ailfeddwl am fy mlaenoriaethau a sut rwy’n edrych ar ôl fy hun. Tua’r adeg hwn, fe wnes i hefyd ddatblygu diddordeb mewn Bwdhaeth a myfyrio fel modd o feddwl yn wahanol amdanaf i fy hun ac am y byd. ’Dyw hynny ddim yn golygu nad wyf yn cael fy hudo gan botel o win coch a theisen o bryd i'w gilydd.

Fy enw i yw Matt Cole. Cefais fy ngeni yng Ngorllewin Cymru ac rwy’n byw yng Nghaerdydd erbyn hyn.

Ar ôl graddio gyda BA anrhydedd mewn Daearyddiaeth, treuliais amser yn gweithio ym maes gorfodaeth cynllunio i'r awdurdod lleol cyn ymuno â Groundwork Caerffili. Yn ystod y saith neu wyth blynedd y bûm yno, gweithiais mewn sawl swydd yn cynnwys llenwi’r rôl rheolaeth weithredol a rhaglenni ynghyd â rolau datblygu busnes.

Ar ôl hynny, ymunais â Platfform fel Pennaeth Twf Busnes, ac ar ôl cyfnod byr fel Rheolwr Gyfarwyddwr Gofal Enterprises Ltd, rwyf nawr yn Gyfarwyddwr Masnachol ar Platfform a GEL.

Pan nad wyf wrth fy ngwaith, rwy’n treulio fy amser gyda fy ngwraig a fy mab – a phan fo’n bosib, rydyn ni’n ymdrechu i wneud gweithgareddau chwaraeon. Gan fy mod wedi ymddeol o chwarae rygbi, rwy’n cymryd rhan mewn marathonau a thriathlonau, ac rwyf yn wastad yn chwilio am rywbeth i wthio fy hun ymlaen. Mae ambell wyliau yn yr haul bob amser yn dda hefyd.

Mae cadw’n iach i mi yn gyfuniad o’r teulu, fy ngwaith ac ymarfer corff. Mae ymarfer corff wedi bod yn help mawr i mi ers genedigaeth fy mab yn 2012 pan gafodd waedlif ar yr ymennydd. Mae ganddo broblemau iechyd cymhleth iawn, ac er bod hynny’n heriol dros ben, mae’n rhoi boddhad enfawr i’w weld yn datblygu er gwaethaf y disgwyl.

Fy enw i yw Jason ac rwy’n edrych ymlaen at gael y cyfle i ymuno â Platfform fel Cyfarwyddwr Cyllid Dros Dro. Mae gen i fwy na 25 mlynedd o brofiad mewn swyddi arwain uwch ym maes cyllid yn helpu sefydliadau i feithrin gwydnwch ariannol, cryfhau llywodraethu a chynyddu eu heffaith. Rwy’n Gymrawd Cymdeithas y Cyfrifwyr Ardystiedig Siartredig (FCCA) ac mae gennyf BSc (Anrh) mewn Gwyddoniaeth Actiwaraidd o Brifysgol Caint yng Nghaergaint.

Cyn ymuno â Platfform, treuliais naw mlynedd yn Hosbis Plant Tŷ Hafan fel Cyfarwyddwr Cyllid a Dirprwy Brif Swyddog Gweithredol. Yn ystod fy nghyfnod yno, roeddwn i’n rhan o’r uwch dîm arwain a oedd yn gyfrifol am gefnogi cynaliadwyedd tymor hir yr elusen a helpu i sicrhau y gallai barhau i ddarparu gwasanaethau hanfodol i blant sydd â chyflyrau sy’n byrhau bywyd a’u teuluoedd.

Yr hyn sy’n fy nghymell fwyaf yw helpu sefydliadau sy’n cael eu harwain gan bwrpas i wneud gwahaniaeth go iawn i fywydau pobl. Rwy’n credu y dylai arweinyddiaeth ariannol gref alluogi sefydliadau i ganolbwyntio ar yr hyn sydd bwysicaf: sicrhau canlyniadau ystyrlon i’r bobl a’r cymunedau maen nhw’n eu cefnogi.

Yn wreiddiol o Abertawe ac yn byw ym Mhenarth erbyn hyn, rwy’n rhedwr brwd ac yn eiriolwr dros yr effaith gadarnhaol y gall gweithgarwch corfforol ei chael ar iechyd meddwl a llesiant. Mae rhedeg wedi dod yn rhan bwysig o gynnal cydbwysedd yn fy mywyd, ac rwyf wedi cwblhau nifer o farathonau ultra dros y blynyddoedd. Y tu allan i’r gwaith, rwy’n mwynhau treulio amser gyda fy nheulu, gan gynnwys fy ngefeilliaid, sydd ill dwy ar fin dechrau yn y brifysgol. Rwy’n cefnogi clwb pêl-droed Dinas Abertawe erioed ac yn dilyn yr Elyrch drwy’r cyfnodau da a’r drwg.

Fy enw i yw Liz a fi yw’r Cyfarwyddwr Gweithrediadau.

Rwy’n byw yng Ngorllewin Cymru gyda fy ngŵr, ein dau o blant yn eu harddegau, ynghyd â chi defaid o’r enw Ethel a chath o’r enw Missy Moo Moo Cat!

Treuliais fy mhlentyndod ym Mhorthcawl, ac yno mae gwreiddiau fy hoffter o’r traeth. Does dim byd tebyg i gael mynd am dro hir ar y traeth i glirio fy mhen a theimlo wedi fy adfywio.

Graddiais o Brifysgol Abertawe yn 2001 gyda gradd mewn Cymdeithaseg, yn ansicr o hyd pa yrfa roeddwn am ei dilyn, er mod i’n gwybod, o dreulio amser yn tyfu i fyny gydag aelod o’r teulu a chanddynt broblemau dibyniaeth a phroblemau iechyd, mod i eisiau gweithio gyda phobl.

Dros y blynyddoedd rwyf wedi gweithio mewn nifer o rolau cefnogol ym meysydd iechyd meddwl, anableddau dysgu a throseddu ymysg ieuenctid. Deuthum o hyd i fy nghryfder yn 2003 pan ymunais ag elusen trydydd sector o’r enw Caer Las, a threuliais 10 mlynedd yn gweithio ym maes tai â chymorth. Roedd yn fraint cael y cyfle i gwrdd a threulio amser gyda chymaint o bobl anhygoel a rannodd eu straeon a fy ysbrydoli gyda’u cryfder a’u natur benderfynol. Bydd lle arbennig yn fy nghalon am byth i’r atgofion a’r bobl y gwnes i gwrdd â nhw.

Ymunais â Platfform yn 2016 fel Pennaeth Gwasanaeth yng Ngwent i barhau i weithio gyda fy angerdd dros weithio gyda phobl. Rwyf wirioneddol wedi mwynhau’r tair blynedd ers i mi fod yn gweithio yma. Rwyf wedi cwrdd â phobl anhygoel ac rwy’n parhau i gael fy syfrdanu gan gydymdeimlad fy nghydweithwyr.

Mae cyfnodau wedi bod yn fy mywyd pan gefais brofiad o drafferthion iechyd meddwl fy hun, yn enwedig ar ôl genedigaeth fy mab. Yn ystod y cyfnodau hyn, dysgais mor bwysig yw gwneud amser i mi fy hun, boed hynny’n golygu mynd am dro, nofio, darllen neu siarad gyda ffrindiau a theulu.

Rwyf bob amser yn awyddus i archwilio ffyrdd newydd o reoli straen bywyd prysur ac rwyf wedi darganfod gwefr newydd o wneud hyfforddiant dwysedd uchel ysbeidiol. Rwy’n mwynhau mynychu dosbarth sbinio ers rhai blynyddoedd, ac yn fwy diweddar, rwyf wedi dechrau gwneud ymarfer cylchol. Rwy’n cydbwyso hyn gyda threulio amser gyda fy ngŵr a’r plant.

Fy enw i yw Andy ac mae gennyf dros ddeunaw blynedd o brofiad o reoli a datblygu cynlluniau tenantiaeth/cefnogaeth symudol a gwasanaethau llety â chymorth.

O 2006 hyd 2018, roeddwn i’n rheoli cynllun cefnogaeth symudol a gwasanaeth llety arbenigol ar gyfer oedolion gydag anghenion cymhleth yn Abertawe. O 2015 hyd 2018, roeddwn hefyd yn gyfrifol am redeg gwasanaethau llety â chymorth ledled Abertawe, Castell Nedd Port Talbot, Pen-y-bont ar Ogwr a Sir Gaerfyrddin, ynghyd â gwasanaethau cefnogaeth tenantiaeth yn Llanelli a Chaerfyrddin.

Rwyf gyda Platfform ers Ionawr 2019, yn rheoli ac yn datblygu’r gwasanaethau yn Abertawe.

Mae fy angerdd dros y math hwn o waith yn dod o fy mhrofiadau personol fy hun. Fe gollais fy mam yn ifanc iawn ac felly cefais fy ngofalu amdanaf mewn cartrefi gofal a gan deuluoedd maeth. O pan roeddwn yn 15 mlwydd oed nes roeddwn yn 20, mi fues yn ddigartref ac yn byw ar strydoedd Amsterdam.

Yn fy amser hamdden, rwy’n hoffi treulio amser yn mynd â fy nghŵn am dro, yn cadw’n iach yn yr ystafell ffitrwydd, yn mwynhau gwyliau; sgïo yn y gaeaf a theithio i leoedd o gwmpas Môr y Canoldir yn yr haf.

Rwyf hefyd yn mwynhau ymweld â dinasoedd fel rhan o fy niddordeb mewn ffotograffiaeth strydoedd, coginio Indonesiaidd, a threulio amser yn bod yn daid. Rwyf hefyd yn rhugl mewn pedair iaith, Saesneg, Iseldireg, Almaeneg a Sbaeneg!

Fy enw i yw Sarah ac rwy’n hynod o falch o weithio i Platfform ac rwy’n teimlo’n ffodus iawn i gael gweithio gyda phobl anhygoel. Mae fy rôl bellach yn Ddirprwy Gyfarwyddwr Datblygu Busnes, ar ôl bod yn Bennaeth Gwasanaeth ers 2017 ac mae gen i rolau gweithredol amrywiol ers ymuno fel Gweithiwr Achos yn 2012.

Mae fy rôl mewn Datblygu Busnes yn cynnwys cwrdd â phobl a sefydliadau newydd, datblygu ein perthynas allanol a chael enw Platfform allan yno. Yn unol â gweledigaeth a chenhadaeth Platfform, mae'r rôl yn ymwneud â nodi cyfleoedd sy'n cyfrannu at drawsnewid gwasanaethau iechyd meddwl ledled Cymru a thu hwnt. Rwy'n arwain ar dendro ac ysgrifennu bidiau ar gyfer contractau newydd a phresennol, gan hyrwyddo a chyrraedd Platfform lle bynnag y bo modd mewn cydweithrediad ag eraill.

Cyn Platfform, roeddwn yn gweithio mewn unedau iechyd meddwl diogelwch isel a chartrefi preswyl 24awr ar gyfer pobl gyda phroblemau iechyd meddwl cymhleth ac anableddau dysgu, yn cynnwys cefndiroedd fforensig.

Dyna’r lle y cefais fy angerdd dros weithio gyda phobl, yn enwedig ym maes iechyd meddwl, ac – a dweud y gwir – lle datblygais rwystredigaeth am y sefyllfa roedd llawer o bobl ynddi. Roedd pobl yn sownd mewn system lle nad oedd ganddyn nhw mo’r grym i wneud newidiadau go iawn, nac i ddefnyddio eu llais.

Mae’n fy ngyrru ymlaen i wneud yn well – i sicrhau bod pobl yn cael cymaint o ddewis â phosibl yn eu bywydau, bod eu straeon yn cael eu clywed, a’u bod yn cael cyfle i fyw bywyd ystyrlon.

Tyfais i fyny yn Derby yng nghanolbarth dwyreiniol Lloegr, ond i Brifysgol Caerdydd euthum i astudio Llenyddiaeth Saesneg a Hanes. Roeddwn i mor hoff o’r ddinas, penderfynais aros yma!

Y tu allan i’r gwaith, rwy’n mwynhau gwneud cyfuniad o redeg, beicio a nofio (ar wahân neu gyda’i gilydd!). Rwy’n aelod o glwb rhedeg a chlwb triathlon, ac mae’n ffordd wych o leddfu straen. Rwyf wedi gwneud ffrindiau arbennig a dyna’n bennaf sut rwy’n cymdeithasu nawr hefyd (gweithio’n galed, hyfforddi’n galed, chwarae’n galed – dyna’r nod!)

Mae wedi fy nysgu am bersbectif ac i beidio cymryd pethau’n rhy ddifrifol – mewn ras, ac mewn bywyd, mae yna wastad rywun y tu ôl i chi a rhywun ar y blaen, felly’ peth gorau i’w wneud yw canolbwyntio ar yr hyn rydych chi’n ei wneud a pheidio poeni am y gweddill.

Rwy’n hoff iawn o yoga hefyd, ac mae dod o hyd i ffordd o leddfu straen trwy ymestyn ac anadlu, ffordd nad yw’n golygu sesiwn ofnadwy o hegr, wedi bod yn ddefnyddiol ac yn fwy caredig i fy nghorff!

My name is Chris Loughran and I have 10 years’ experience working in the non-profit sector in the UK and overseas. I am currently Director of Policy and Evaluation for MAG, an international charity specialising in landmine clearance and conflict recovery.

I’m responsible for MAG’s strategic influence and advocacy work, leading policy engagement with the United Nations. I also oversee approaches to impact measurement. I joined MAG in 2006 following various roles in the UK civil service and a volunteer role in community-based projects in Uganda and Bosnia.

Outside of work, I enjoy running, cooking and spending time with family and friends in England and South Wales.

Helo, Siobhan ydw i, rwy’n gweithio yn Platfform ers Rhagfyr 2018 yn rheoli ein prosiectau pobl ifanc, ac rwyf wrth fy modd!

Rwyf wastad wedi gweithio mewn gwasanaethau sy’n helpu plant a phobl ifanc, ac mae hynny’n ysbrydoliaeth barhaus i mi. Am fy mod wedi cael anawsterau yn fy mhlentyndod fy hun ac yn deall sut beth yw cael eich labelu’n “blentyn drwg”, rwy’n angerddol dros weld plant a phobl ifanc yn ffynnu ac yn llwyddo. Rwy’n credu’n gryf ym mhŵer cysylltiadau a pherthynas, ac ni fuaswn i wedi cyrraedd mor bell heddiw oni bai am rai pobl allweddol yn fy mywyd; pobl a oedd yn credu ynof i ac yn gweld y darlun mawr o fy nghwmpas. Mae’n bwysig i mi ymdrechu cymaint ag y gallaf i fod y person allweddol hwnnw i eraill sydd angen hynny, ac i ddod â’r cryfderau anhygoel sydd gan bobl i’r amlwg.

Rwyf wedi astudio seicoleg i lefel Meistr, ac mae gennyf ddiddordeb mewn profiadau niweidiol yn ystod plentyndod, trawma, trawma dros eraill a llesiant staff. Cyn ymuno â Platfform, bûm yn weithiwr chwarae, gweithiwr ieuenctid a gweithiwr cefnogi rhianta cyn symud i rôl yn rheoli gwasanaethau cymunedol i elusen camdriniaeth yn y cartref, lle gweithiais am naw blynedd. Buaswn yn sicr wedi dilyn gyrfa mewn dawnsio ballet pe na bawn wedi datblygu sgoliosis yn fy arddegau a chael llawdriniaeth i’w gywiro, ond rwy’n dal i fwynhau dawnsio ac rwyf wrth fy modd gyda symudiad a cherddoriaeth llawn mynegiant. Mae bywyd yn debyg iawn i ddawns, mae pethau’n mynd i fyny ac i lawr, ac yn troi a throelli!

Rwy’n byw yn Abertawe gyda fy ngŵr, ein dwy eneth ifanc a dwy gath, Stimpy a Betsy. Rwy’n mwynhau pethau syml fel chwerthin gyda ffrindiau, gwrando ar y glaw, mynd am dro, bwyta allan, edrych ar y sêr a myfyrio ynghylch ystyr bywyd. Pan rwy’n gwneud digon o’r pethau hyn, mae’n fy helpu i gynnal fy llesiant ac rwy’n llawer gwell nawr am sylweddoli pan rwyf angen amser i adfer; i mi, amser ar fy mhen fy hun heb agenda yw hynny gan amlaf.

Rwy’n hapus iawn yn gweithio i Platfform ac yn datblygu ein gwasanaeth i bobl ifanc fel ei fod yn parhau i wneud gwahaniaeth cadarnhaol ym mywydau cenedlaethau’r dyfodol.

 

Fi yw swyddog gweinyddol Breathe, sy’n rhan o Platfform. Mae Breathe yn cynnig cwnsela i’r rhai sy’n teimlo y byddant yn elwa ohono, hyfforddiant yn y gweithle i staff a rhaglenni cynorthwyo staff i sefydliadau.

Fe ddechreuais gyda Platfform yn y lle cyntaf mewn lleoliad gwirfoddoli yn Journeys, drwy eu Rhaglen Mentora Cyfoedion.

Pan ddaeth prosiect Journeys i ben a ffurfiwyd Breathe, roeddwn yn ffodus o gael cynnig rôl fel Cynorthwyydd Gweinyddol rhan-amser. Ar ôl meithrin fy sgiliau a hyder dros amser, gofynnais i gael cynyddu fy oriau, ac yn y diwedd cynigiwyd y swydd lawn-amser hon i mi. Fe wnaeth gwneud hyn yn raddol, ar fy nghyflymdra fy hun, fy helpu’n arw.

Rwy’n mwynhau gweithio gyda phobl ac rwy’n ystyried mai fy rôl yw gwneud i’n cleientiaid deimlo bod croeso iddynt, ein bod yn eu gwerthfawrogi a’u deall. Mae fy rôl yn cynnwys yr holl dasgau gweinyddol sy’n helpu Breathe i redeg yn llyfn, yn cynnwys croesawu cleientiaid, trefnu sesiynau cwnsela a chymryd taliadau, a llawer mwy!

Pan nad wyf yn y gwaith, rwy’n mwynhau gwylio criced, pêl-droed a rygbi, ynghyd â theithiau rheolaidd ar y penwythnosau i ymweld â fy nheulu yn Llundain.

Fy enw i yw Evee ac rwy’n Gydlynydd Prosiect gyda Platfform.
Cefais fy ngeni yng ngogledd Gwlad Pwyl, er i mi dreulio’r rhan fwyaf o fy mhlentyndod yn Berlin. Rwy’n siarad tair iaith – mae’n gallu bod yn ddigon dryslyd weithiau, a dweud y gwir!

Fe symudais i Gymru hardd pan oeddwn i’n 19 oed, i fynychu Prifysgol Abertawe a gorffen fy BSc Seicoleg ac MSc mewn Seicoleg Anarferol a Chlinigol. Rwy’n byw yng Nghaerdydd ar hyn o bryd, ac wrth fy modd.

Roedd gennyf ddiddordeb yn gynnar mewn iechyd meddwl, gan fy mod wedi tyfu i fyny gyda theulu sydd wedi cael trafferthion ac wedi gorfod mynd i’r ysbyty sawl gwaith. Rwyf wedi gweithio mewn ambell i rôl fel gweithiwr cefnogaeth a gofal o fewn gwasanaethau anableddau dysgu ac iechyd meddwl.

Nes i mi ddod i weithio gyda Platfform, fy rôl bwysicaf oedd fel gwirfoddolwr i Mind yn Abertawe. Roeddwn i’n helpu i gynnal cyrsiau hunangymorth a sesiynau galw heibio am dair blynedd. Wna i fyth anghofio’r bobl anhygoel y gwnes i gyfarfod â nhw, eu straeon llawn ysbrydoliaeth ac amrywiaeth enfawr eu profiadau.

Ar un pwynt, sylweddolais fy mod yn cael anhawster ymdopi â fy emosiynau. Roedd yn anodd iawn i mi dderbyn hyn, gan mai’r ‘cefnogwr’ oeddwn i’n wastad eisiau bod. Fodd bynnag, rwyf nawr yn cymryd meddyginiaeth i fy helpu i reoli fy iechyd meddwl yn ogystal â chwnsela yn ystod cyfnodau o straen. Rwy’n gwneud ymdrech yn ddyddiol i beidio ildio i fy ofnau ac amheuon a allai fel arall ymyrryd â fy mywyd.

Mewn llawer o ffyrdd, rwy’n teimlo’n ffodus bod fy mhrofiadau a fy addysg wedi rhoi sylfaen gadarn i mi ddatblygu strategaethau ymdopi. Mae wedi fy arwain at ddysgu am ymwybyddiaeth ofalgar, hunanymwybyddiaeth ac ymarferion gwybyddol fel cadw dyddiadur a siarad yn gadarnhaol gyda fi fy hun.

Rwy’n gwerthfawrogi cymryd seibiant, pŵer cwtsh braf gyda pherson hoff, a dianc i ganol byd natur am gyfnod byr – mae gan Gymru leoedd hyfryd i yrru a cherdded drwyddynt. Mae wedi fy nysgu i gysylltu ag eraill sy’n angerddol am bethau tebyg felly rwy’n mynychu cynadleddau anime a chynadleddau gwaith (ydyn, mae’r ddau’r un mor bwysig i mi!). Rwyf hefyd yn rhoi ymarfer i fy nghorff a fy meddwl trwy wneud yoga, rhedeg a Zumba.

Yn bwysicaf oll, rwy’n gwybod nawr ei bod yn angenrheidiol, yn braf, ac nad yw’n hunanol i wneud amser i’r holl bethau hyn. Rwy’n gobeithio gallu pasio’r neges hon ymlaen.

Fy enw i yw Heidi. Cefais fy ngeni a fy magu ym Mhen-y-bont ar Ogwr, ac rwy’n byw ar hyn o bryd ym mhentref prydferth Saint-y-brid, Bro Morgannwg, gyda thraethau hyfryd Aberogwr a Southerndown o fewn tafliad carreg i mi. Rwy’n byw gyda fy ngŵr Darren, Jack y mab sy’n 16 oed ac yn dwli ar yr X-Box, a dau Jack Russell direidus.

Yn fy amser hamdden (pan nad ydw i’n chwarae tacsi i’r mab), rwy’n mwynhau mynd â fy nghŵn anufudd am dro o gwmpas yr arfordir, bwyta allan gyda ffrindiau, a gorau oll, rwy’n mwynhau sesiwn karaoke da (mae gen i dipyn o enw am wneud cawlach o rai o oreuon Celine Dion!)

Mae fy nghefndir gwaith yn un eithaf cryno, gan fy mod i’n cychwyn ar fy 25ain flwyddyn gyda Platfform yn fy rôl newydd sbon fel Cynorthwyydd Personol/Cefnogi’r Tim Gweithredol Mae fy rolau blaenorol yn y byd gweinyddol wedi cynnwys gweithio yn y diwydiant gweithgynhyrchu ac i asiant teithio.

Mae fy ngwaith gyda’r mudiad dros y blynyddoedd wedi fy helpu’n arw o ran cefnogi aelodau o fy nheulu sydd wedi cael eu brwydrau personol eu hunain gyda gorbryder ac iselder dwys.

Mae Platfform wedi bod yn estyniad o fy nheulu i fy hun ar adegau, yn enwedig ar adegau pan rwyf wedi bod angen cefnogaeth a dealltwriaeth ynglŷn â materion teuluol. Rwy’n ddiolchgar mod i’n cael gweithio gyda phobl mor wirioneddol hyfryd ac rwy’n edrych ymlaen at y blynyddoedd sydd i ddod a’r siwrne gyffrous sydd o’n blaenau ni oll!

Nicole yw fy enw i. Cefais fy ngeni a fy magu yn y Rhondda ac yna symudais i Gaerleon i astudio. Ar ôl graddio, penderfynais ddychwelyd at fy ngwreiddiau.

Mae cerddoriaeth a theithio yn rhannau mawr o fy mywyd, rwy’n mwynhau mynd i wyliau cerddoriaeth ac ymweld â dinasoedd gyda fy ffrindiau. Yn fy amser hamdden, rwy’n mwynhau cerdded llwybr arfordir Cymru gyda fy nghi.

Cyn ymuno â Platfform, roeddwn yn astudio yn y brifysgol ac yn gweithio’n rhan amser fel gweithiwr cefnogol i elusen. Fel rhan o fy ngradd, fe wnes i gynnal astudiaeth ethnograffig yn edrych ar sut roedd y gymuned Sikh yn integreiddio i gymdeithas Prydain, yn benodol o fewn un ardal yng Nghaerdydd. Ysgogwyd yr astudiaeth hon gan fy chwilfrydedd am bobloedd a diwylliannau.

Pan symudais i Gaerleon, dechreuais gael parlys cwsg, profiad a oedd yn ddychrynllyd iawn ar y dechrau. Ar ôl gwneud ychydig o ymchwil a myfyrio, llwyddais i ddarganfod mai teimlo dan straen neu deimlo gorbryder oedd yn arwain at y profiad hwn, felly fe wnes i ddod o hyd i nifer o ffyrdd i helpu i’w reoli. Mae hyn yn bennaf yn cynnwys bod yn yr awyr agored a chysylltu â byd natur, yn ogystal â sgwrsio gyda fy nheulu.

Mae cefnogi pobl i ddod o hyd i’w ffyrdd eu hunain o ymdopi i’w helpu nhw i fyw bywyd llawn yn rhoi teimlad o foddhad i mi.

My name is Neil Hapgood. I moved to Swansea in 2003 after a period of working abroad. I have since spent over 12 years working in Youth and Community Services.

I have developed the delivery of services in my local authority by 400% over the last 10 years. My interests lie in the development of products and services that have the depth and quality to have a long lasting impact on people’s wellbeing, and how these services can be monitored and improved.

In 2006, I was fortunate enough to survive a brain haemorrhage whilst surfing in Cornwall. After a few weeks in a coma, I made a good physical and cognitive recovery but it was the beginning of a spell of struggling with mental health. It is this experience which has inspired me to become involved with Platfform.

In 2007 I was the Welsh winner of the ITV 'feel good factor' award for my work with young people and attended the pride of Britain awards.

I also hold a degree in Management, and MA in Health and Community Development from Demontfort University.

Fy enw i yw Aga (Agnieszka ar gyfer y rhai ohonoch sy'n gyfarwydd â Phwyleg).

Rwyf wedi gweithio yn y sectorau preifat, cyhoeddus ac elusennol. Rwy'n unigolyn adfyfyriol ac yn mwynhau gwrando ar bobl a chlywed eu straeon. Angerdd, empathi a phwrpas sy'n fy ysgogi a dyma'r nodweddion yr wyf yn chwilio amdanynt mewn sefydliadau rwy'n gweithio gyda nhw. Daethant i’r amlwg yn sicr pan ddarllenais am uchelgais Platfform i newid y byd. Cefais fy sbarduno gan y posibilrwydd o fod yn rhan o’r mudiad i newid y naratif o amgylch iechyd meddwl mewn sefydliad deinamig a llawn tosturi. Mae'n fraint cael gweithio gyda phobl a gweithwyr proffesiynol anhygoel yn ein tîm marchnata a chyfathrebu, a thîm ehangach Platfform. Rwy'n cael fy ysbrydoli ganddyn nhw ac yn dysgu ganddyn nhw bob dydd.

Cefais fy ngeni yng Ngwlad Pwyl, mewn dinas tua 150 milltir i'r dwyrain o Ferlin o'r enw Poznan. Dilynais fy nghalon, a fy ngŵr, a symudais i Gymru yn 2001. Rwyf bob amser wedi wynebu cynhesrwydd, chwilfrydedd a chroeso gan y bobl y cyfarfûm â hwy, ac mae Abertawe wedi dod yn gartref i mi.

Rwyf wrth fy modd yn teithio, yn cysylltu â byd natur, yn treulio amser gyda fy nheulu a ffrindiau a chadw'n actif.

Jen ydw i. Rwy'n Seicolegydd Clinigol Cymunedol a fi yw arweinydd Arfer sy’n Ystyriol o Drawma Platfform. Cyn gweithio i Platfform bûm yn gweithio ym maes Seicoleg Gymunedol Plant a Theuluoedd gyda Bwrdd Iechyd Prifysgol Aneurin Bevan. Roedd y rhan fwyaf o fy mhrofiad clinigol cyn hyn o fewn gwasanaethau iechyd meddwl ac anabledd dysgu, a lleoliadau cleifion mewnol ac arbenigol diogel. Rwyf wedi cael profiad uniongyrchol o sut rydym yn aml yn gwneud hyn yn anghywir iawn i bobl, yn aml yn anfwriadol ond yn anffodus nid bob amser ac ar draul y bobl yr ydym yn ceisio eu cynorthwyo, yn ogystal â ni ein hunain fel ymarferwyr neu gynorthwywyr.

Rwy’n frwdfrydig dros gyfiawnder cymdeithasol ac mae gennyf ddiddordeb enfawr mewn seicoleg gymunedol, seicoleg rhyddhad ac ymagwedd gyfannol. Ystyr cyfannol yma yw edrych ar y meddwl, y corff, yr enaid ac amgylchiadau. Deall a chroesawu, yn hytrach na lleihau, y cymhlethdod sydd ynghlwm wrth ein hiechyd meddwl a ninnau fel bodau dynol.  Mae'n gwneud synnwyr i mi, nid yn unig trwy fy mhrofiad byw fy hun, ond hefyd wrth edrych ar y sylfaen dystiolaeth bod yn rhaid i ni ystyried anghyfiawnder cymdeithasol wrth geisio deall iechyd meddwl. Am y rheswm hwn yr wyf yn gyffrous i fod yn gweithio i Platfform.

Pan nad ydw i'n gwneud pethau ar gyfer Platfform, rwy’n hoffi bod yn actif. Rwy'n hoffi chwaraeon antur ar olwynion fel sglefrio a beicio mynydd. Rwyf hefyd wrth fy modd yn mynd i'r môr i syrffio.

Gyda dros 14 mlynedd o brofiad ym maes mynediad, cynhwysiant a threchu tlodi, rwy'n frwd dros atebion a arweinir gan y gymuned sy'n gweithio i bawb. Rwy'n arwain y gwaith o ddatblygu a chyflawni gwaith polisi, materion cyhoeddus, ymchwil a chymorth aelodau CTA yng Nghymru, a hefyd eu cyngor a chymorth ledled y Deyrnas Unedig i'r rhwydwaith trafnidiaeth gymunedol a rhanddeiliaid.

Rwy’n grymuso fy nhîm i fabwysiadu dull partneriaeth gadarnhaol at ddatblygu perthnasoedd a chyd-gynhyrchu atebion yn seiliedig ar le, sy’n darparu atebion ar gyfer trafnidiaeth hygyrch a chynhwysol a arweinir gan y gymuned.

Mikel Mellick ydw i ac ymunais â Phlatfform fel ymddiriedolwr ym mis Tachwedd, 2024. Ar hyn o bryd rwy'n gweithio fel Prif Ddarlithydd (Athro Cyswllt) Iechyd Meddwl ym Mhrifysgol Fetropolitan Caerdydd. Rwy'n Ymarferydd Seicolegydd Cofrestredig, yn Athro ac yn Ymchwilydd gyda dros 25 mlynedd o brofiad mewn cwnsela, seicoleg chwaraeon a hyfforddi.

Rwy’n rhannu gweledigaeth Platfform ar gyfer Dulliau Perthynol ac sy’n Ystyriol o Drawma o hybu a chefnogi iechyd meddwl. Rwy'n ymchwilio i'r dull hwn, yn ysgrifennu amdano ac yn ei fyw fel ymarferydd seicolegydd ac academydd. Mae fy ngwaith ymchwil ac ymarferydd fy hun wedi canolbwyntio ar roi’r Dull Perthynol ac sy’n Ystyriol o Drawma Seicolegol hwn ar waith mewn amgylcheddau heriol chwaraeon proffesiynol, y celfyddydau perfformio, lleoliadau addysg a gyda galwedigaethau proffesiynol gofal iechyd.

Rwy’n gredwr brwd yn Platfform ac yn eu nod o greu cymunedau sy’n symud o’r sefyllfa lle mae baich ar yr unigolyn sy’n cael trafferth gofyn am gymorth, i ddinasyddiaeth gymunedol ragweithiol sydd eisoes yn ymateb mewn modd sy’n ystyriol o drawma trwy berthnasoedd tosturiol ystyrlon a pharhaus. Fi yw deiliad y rôl Arweinydd Diogelu ar Fwrdd yr Ymddiriedolwyr.

Rwy’n dod o Brisbane, Awstralia ac rwyf wedi byw yng Nghaerdydd ers 1998. Rwy'n briod ag Awen sy'n siarad Cymraeg iaith gyntaf ac mae gennym ferch teirieithog (Awstraleg, Cymraeg a Saesneg!) o'r enw Madi.

Anne-Louise ydw i ac ymunais â Phlatfform fel ymddiriedolwr ym mis Gorffennaf 2020. Ar hyn o bryd rwy’n gweithio fel Cyfarwyddwr Gweithredol dros Gyfathrebu a Newid gydag Archwilio Cymru, rôl a ddechreuais ym mis Chwefror 2021. Cyn hynny roeddwn yn gweithio gyda Llywodraeth Leol.

Yn ystod fy ngyrfa rwyf wedi arwain timau ar draws ystod o ddisgyblaethau gan gynnwys AD, Gwasanaeth i Gwsmeriaid, Cyfathrebu, Trawsnewid Digidol, Datblygu Sefydliadol a Dylunio Gwasanaethau. Fy ngyrfa gynnar sy'n parhau i ddylanwadu ar fy meddwl. Fy rôl gyntaf oedd bod yn rhan o dîm a oedd yn creu gwasanaeth newydd i oedolion y tu allan i addysg neu gyflogaeth. Cyflwynodd hynny fi i allu y gwasanaethau cyhoeddus a sut y gallent fod yn rym er daioni neu rwystro pobl rhag cyflawni canlyniadau cadarnhaol. Rwy’n frwd dros lunio gwasanaethau da sydd wedi’u cynllunio’n bwrpasol i fodloni anghenion pobl. Mae hynny’n golygu dechrau sgyrsiau newydd a chael y bobl iawn, i gydweithio i fynd i’r afael â’r problemau cywir.

Mae Platfform yn sefydliad arbennig iawn ac rwyf wrth fy modd i fod yn rhan o'r tîm. Nid wyf byth yn hapusach na phan fyddaf yn dysgu gan eraill ac mae'r cyfoeth o wybodaeth ar draws y timau a'r parodrwydd i feddwl yn wahanol yn dylanwadu ar fy enaid.

Mae fy nheulu bach yn cynnwys fy ngŵr Pete, ein ci Buddy a thair iâr! Rwy'n rhoi cynnig ar dyfu llysiau ac yn edrych ymlaen at gael ambell i gwch gwenyn yn fuan.

Rwy’n rheoli’r dull strategol o gynnig gwasanaethau yn y gweithle, gan sicrhau bod popeth yn berthnasol ac yn dod â gwerth i’n partneriaid a’u gweithlu. Rwyf hefyd yma i ofalu am ein tîm mewnol ac estyn allan i rwydweithiau o arbenigedd allanol i ddatblygu agwedd wybodus a pherthnasol at ein partneriaethau.

Rwyf wedi arwain timau ar draws y sectorau chwaraeon, addysg ac elusennol dros nifer o flynyddoedd mewn gwahanol swyddi ymchwil, datblygu busnes ac arweinyddiaeth marchnata.

Rwy’n frwd dros fenter gymdeithasol ac fe arweiniais y gwaith o ddatblygu portffolio o fentrau arobryn a ddygwyd ynghyd i ddarparu amgylcheddau gwaith uchelgeisiol i bobl ifanc ag anableddau cymhleth (fel rhan o waith y National Star College).

Ochr yn ochr â fy mhrofiad proffesiynol, rwyf wedi defnyddio fy mhrofiadau byw fy hun i eiriol dros eraill sy’n chwilio am gymorth yn ymwneud â lles. Mae hyn wedi cynnwys siarad mewn sawl digwyddiad iechyd cyhoeddus a bod yn rhan o drafodaethau panel.

Rwy’n aelod o’r Speakers Collective a’r Cynghrair Hunanladdiad Cenedlaethol, ac mae gennyf brofiad byw o eiriol dros y rhai sydd wedi bod drwy brofedigaeth o ganlyniad i hunanladdiad.

Y tu allan i'r gwaith, gellir dod o hyd i mi naill ai mewn gig, ar ben bryn gyda fy nghi Steve, mewn oriel, ac yn chwarae neu'n gwylio pêl-droed.

My name is Stewart and I joined Platfform’s board of trustees in early 2013 to support the business development activities of the organisation.

I have had a varied professional background with service in the armed forces, front line social housing roles and over 10 years in the computer industry. In my role as senior manager, I work on technology solutions for housing organisations and local authorities to increase access for service users. I am also a current trustee of the Welsh homelessness charity Shelter Cymru.

I’m very excited to be part of this organisation; it’s innovative and expanding all the time. The charity is full of great people and is dedicated to supporting people with mental health issues, so I’m relishing the challenge and looking forward to being part of its continuing success both now and in the future.

Hi I’m Harriet, I’m a Clinical Psychologist and Platfform’s Deputy Director of Relational Practice.

I live in Cardiff with my husband and dog and love being in the excitement of a city whilst also being able to get to beautiful mountains in Bannau Brycheiniog or the coast in under an hour. I tend to spend my weekends either on a dog walk, with friends, in the sea or gardening. In an ideal world it would constantly be 24 degrees and I would be outside all the time!

Before working in Platfform I worked in the NHS for 10 years in various teams but predominantly in fostering and adoption. It was here that I started to really understand what it means to be ‘trauma-informed’ and the impact that our early experiences have on our development and mental health. I also worked for Sport Wales for a year which is where I started to think about ways in which we can influence the mental health system without being within the NHS.

My role within the organisation means I work to ensure we’re working in relational and trauma-informed ways in everything we do. This includes how we support people accessing Platfform as well as the culture and environment we create internally for staff.

I feel incredibly grateful to work for an organisation that aligns so closely with my values and personal experience. Platfform allows me to work in a way that gives me the opportunity to think about the bigger picture and recognises that supporting people’s mental health starts with us.

Gian ydw i ac fe wnes i ymuno â bwrdd ymddiriedolwyr Platfform ym mis Ebrill 2026 i gyfrannu at gyfeiriad strategol y sefydliad yn ystod cyfnod o dwf sylweddol.

Rydw i wedi treulio 19 mlynedd yn gweithio ym maes trawsnewid y sector cyhoeddus, dylunio sefydliadol a meithrin gallu yn y DU ac yn rhyngwladol. Mae fy ngyrfa wedi fy arwain drwy waith gyda llywodraeth ganolog, awdurdodau lleol, addysg uwch a sefydliadau rhyngwladol, gan arwain rhaglenni a thimau sy’n canolbwyntio ar sut mae sefydliadau’n newid, sut mae pobl yn datblygu, a sut mae gwasanaethau’n gwella. Mae gennyf ddiddordeb arbennig yn yr amodau sy’n sicrhau bod diwygio’n parhau y tu hwnt i’r foment o ewyllys wleidyddol, ac mewn adeiladu’r seilwaith sy’n helpu pobl a sefydliadau i ddatblygu hyd eithaf eu potensial.

Ar hyn o bryd rwy’n sefydlu Pluto, ymarfer dylunio a newid sy’n cefnogi sefydliadau sy’n cael eu gyrru gan werth i ddylunio a gweithredu newid cymhleth. Un o’m diddordebau ar hyn o bryd yw diwygio SEND yn Lloegr, a gweithio gydag awdurdodau lleol a’u partneriaid i adeiladu’r amodau ar gyfer gweithredu sy’n parhau y tu hwnt i flwyddyn gyntaf y polisi. Mae gen i PhD mewn trawsnewid y sector cyhoeddus o Brifysgol Manceinion, ac rwy’n Gymrawd o’r RSA a States of Change. Rydw i wedi fy lleoli ym Manceinion.

Helo, Catherine ydw i, ac ymunais â Platfform fel Ymddiriedolwr yn 2026.

Rydw i wedi treulio llawer o’m gyrfa yn gweithio ochr yn ochr â phobl, cymunedau a sefydliadau ar draws meysydd iechyd meddwl, tlodi a nifer o anghenion cymhleth, gan gefnogi newid systemau mewn mannau lle nad yw pethau’n gweithio cystal ag y gallent. O arwain newid systemau sy’n seiliedig ar leoedd yn Efrog i gefnogi sefydliadau ar lawr gwlad a mudiadau cymdeithasol yn genedlaethol, mae gen i fwy a mwy o ddiddordeb yn y ffordd mae pŵer, perthnasoedd a’r systemau ehangach o’n cwmpas yn siapio bywydau pobl, a’r hyn sy’n gwneud newid parhaol yn bosibl.

Yn fwy diweddar, rydw i wedi bod yn gweithio ym maes llywodraethu, risg a chydymffurfiaeth, gan gefnogi sefydliadau, grwpiau ar lawr gwlad a mudiadau cymdeithasol i wneud penderfyniadau ystyriol mewn sefyllfaoedd cymhleth sy’n creu cyfleoedd yn hytrach na chael eu gyrru gan ofn.

Yr hyn wnaeth fy nenu at Platfform oedd pa mor agos mae ei werthoedd yn cyd-fynd â fy rhai i. Mae edrych y tu hwnt i’r symptomau i ddeall yr amodau ehangach sy’n siapio bywydau pobl, gweithio mewn ffyrdd sy’n ystyriol o drawma ac yn seiliedig ar berthnasoedd, a pharhau’n chwilfrydig am y systemau o amgylch pobl, oll yn adlewyrchu’n agos iawn y ffordd rwy’n ceisio mynd ati yn fy ngwaith fy hun. Rydw i hefyd yn gwerthfawrogi parodrwydd Platfform i siarad yn onest am bŵer ac anghydraddoldeb wrth ddal gafael ar y posibilrwydd o newid.

Y tu allan i’r gwaith, rydw i’n cerdded gyda fy nghi, Fitz, yn treulio amser ym myd natur, yn gwrando ar gerddoriaeth, neu’n chwarae gemau bwrdd gyda theulu a ffrindiau.

Rachel ydw i, ac rydw i wrth fy modd fy mod i wedi ymuno â Bwrdd Platfform oherwydd rydw i’n credu’n gryf mewn dulliau perthynol sy’n ystyriol o drawma ac sy’n helpu pobl a chymunedau i ffynnu. Mae ymrwymiad Platfform i dosturi, chwilfrydedd a herio’r sefyllfa bresennol yn adlewyrchu fy ngwerthoedd fy hun, ac rydw i’n falch o gyfrannu at ei strategaeth, ei lywodraethiant a’i ddylanwad cenedlaethol.

Rydw i wedi treulio fy ngyrfa mewn rolau uwch ar draws meysydd iechyd, gofal cymdeithasol, llywodraeth leol, Llywodraeth Cymru a’r trydydd sector, yn gweithio ar gomisiynu, dylunio gwasanaethau a rhaglenni cenedlaethol sy’n canolbwyntio ar ymyrraeth gynnar ac atal, integreiddio gwasanaethau a gofal sy’n canolbwyntio ar yr unigolyn.

Mae llawer o’m gwaith wedi ymwneud â dod â phobl at ei gilydd, cryfhau perthnasoedd a gweithio ochr yn ochr â chymunedau i lunio gwasanaethau sy’n adlewyrchu eu blaenoriaethau. Rydw i wedi arwain rhaglenni amlasiantaeth, wedi cefnogi sefydliadau drwy gymhlethdod, ac wedi helpu i feithrin dulliau gweithredu sy’n seiliedig ar ymddiriedaeth, cydweithio a phrofiad bywyd. Rydw i bellach yn Bennaeth Newid a Arweinir gan y Gymuned i Gymru yn Sefydliad Lloyds Bank, gan gefnogi sefydliadau a chymunedau i gryfhau systemau lleol a dylanwadu ar newid.  Rydw i hefyd yn Aelod o Fwrdd Grŵp Tai Cadarn.

Rydw i’n dod o Swydd Amwythig yn wreiddiol ond symudais i Gaerdydd yn 2000 ac erbyn hyn rwy’n byw yn y Rhath lle rwy’n mwynhau’r llu o fannau gwyrdd yn ein cymuned. Y tu allan i’r gwaith, rydw i wrth fy modd yn teithio, yn archwilio diwylliant a natur, ac yn treulio amser gyda’r bobl sy’n cadw fy nhraed ar y ddaear. Uchafbwynt diweddar oedd gweld orangwtaniaid yn y gwyllt yn Borneo — i’n hatgoffa o’r cysylltiad, y persbectif a phwysigrwydd gwarchod yr hyn sy’n bwysig.