اسیں آپنا انسداد نسل پرستی دا عملی منصوبہ کیوں شروع کیتا

Platfform دا انسداد نسل پرستی عملی منصوبہ پُلس افسر ڈیرک شوون (Derek Chauvin) ہتھوں جارج فلائیڈ (George Floyd) دے ظالمانہ قتل اتے اوس توں بعد اج دے سماج وچ سخت مکالمے بازیاں اُٹھ کھڑیاں ہون دے نتیجے وچ شروع کیتا گیا۔ شروع وچ Platfform ایہناں مکالمے بازیاں تے چُپ سی، اتے فیر پلیٹ فارم نوں ایہدے وچ شامل کیتا گیا؛ تُسی ایتھے ساڈے CEO’S دا جواب پڑھ سکدے او۔

اسیں آپنی چُپ اتے بے عملی نوں تسلیم کیتا، اتے جیویں ساڈے ورگی تنظیم دی سماج وچ اک حیثیت اے، اتے جیہڑیاں ذمے داریاں ساڈی حیثیت ساڈے ذمے لاندی اے اوہناں دا لشکارا بن دے ہوئے اسیں ایس مقصد نوں پورا کیتا۔ جے اسیں تعصب نال نبڑن وچ ناکام رہے آں تے اسیں تسلیم کیتا اے کہ اسیں پوری طرح بھلائی کرن دا دعوٰی نہیں کر سکدے سی، ایہہ کہ اسیں آپنے اتحادیاں نال بُہتا موثر کم نہیں کر رہے سی، اتے ایس توں ودھ کم کرن دی لوڑ سی۔ تُسی ساڈا پورا بیان ایتھے پڑھ سکدے او۔

نسل پرستی دے خلاف لڑائی وچ موثر اتحادی بنن لئی، ایہہ واضح سی کہ سانوں آپنی ٹیم وچ وسیع تر پچھوکڑ دے اتے اجوکے تجربیاں دی لوڑ سی، اتے ایہنوں بورڈ دی پدھر تے شروع کرن دی لوڑ سی۔ شروع توں ای ساڈے ٹرسٹیز عملی طور تے ایہدے وچ شامل نیں، منصوبہ بنان وچ ساڈی مدد کر رہے نیں جیہڑی Platfform نوں بُہتی خیرمقدمی تنظیم بنن وچ مدد دیوے گی۔

میرا کردار سانوں ایہہ یقینی بناؤن وچ مدد دین لئی اے کہ اسیں ایہنوں کرئیے، اتے جیویں اسیں ترقی کریے اوہدے لئی حکمتِ عملی بنائیے۔

میں برطانوی نژاد پاکستانی مسلمان آں، میں کئی ورھے سماج اتے صحتِ عامہ نظام دے ہتھوں، نسل پرستی اتے امتیازی سلوک دا شکار رہیا آں۔ مینوں آپنی دماغی صحت تے پین والے دیرپا اثر دا پتا اے۔ ایہہ صدمہ اج وی اوناں ای حقیقت اے جناں کئی ورھے پہلاں سی۔

مینوں پہلاں توں ای پتا اے کہ امتیازی سلوک اتے عدم برابری اج وی سماج وچ پوری طرح موجود نیں، اتے میں بہبود تے ہون والے ایہدے اثر نوں محسوس کیتا اے۔ میں چنگی طرح جان دا آں کہ ایہہ کم کناں اہم اے، اتے ایہنوں پورا کرن لئی میں کناں پُرجوش آں۔

ہُن تیکر جو کم اسیں پورا کیتا اے اوہ ایہہ اے:

اسیں آپنا انسداد نسل پرستی دا تنظیمی عملی منصوبہ شروع کیتا

اسیں اک نواں کردار سرجیا: برابری، تنوع اتے مشمول قیادت

ساڈا انسداد نسل پرستی دا عملی گروپ، ابتدائی متفقہ کم دے منصوبے نال قائم کیتا گیا

اسیں گروپ وچ سب لئی نفسیاتی تحفظ قائم رکھن لئی کلینیکل ماہر نفسیات نال رل کے کم کر رہے آں

ملاقاتاں رکھیاں گئیاں جیہناں نے بورڈ دی پدھر تے تنوع وچ وادھا کیتا

اسیں تنظیم لئی حکمتِ عملی نال اک سنگ میل ترتیب دتا جیدے وچ بُہتی نمایاں، خاص طور تے انتظامی اتے قیادت دی پدھر تے متنوع افرادی قوت دی ہوند اتے چنگے عمل نال 2024 تیکر بیرونی طور تے وی معیار دے مطابق منظوری لئی جاوے

جدید معاشرے وچ نسل پرستی نوں بہتر طور تے سمجھن وچ مدد لئی عملے نُوں تعلیمی بیٹھکاں فراہم کیتیاں گئیاں نیں اتے ساڈے کول ودھدے ہوئے وسیع رینج دے تعلیمی وسائل موجود نیں

استحقاق دے وچاراں اتے اک مثبت اتحادی ہون بارے عملے لئی ورکشاپاں

اسیں 2022 دے مُڈھ وچ شروع ہون والے، متنوع Cymru تقافتی اہلیت دے عملی طریقہ کار(Diverse Cymru’s cultural competency practical process) وچ حصہ لے رہے ہوواں گے

گلاں نہیں بلکہ کم کرن دا عہد، اتے ایس عہد نال جُڑیاں آساں ساڈے عملی منصوبے وچ کم کردیاں نیں

لاگو پالیسی دے جائزے ایتھے ایہہ یقینی بناندے نیں کہ اسیں ایہدے وچ شامل آں، اتے ساڈا بھرتی دا عمل وی ایہدا لشکارا پاؤندا اے

اسیں اگے کیہ مقصد حاصل کرنا چاہندے آں

اسیں لگاتار آپنے انسداد نسل پرستی دے عملی منصوبے دا جائزہ لواں گے اتے اوہنوں سجرا رکھاں گے

انسداد نسل پرستی دے عملی گروپ نوں وسیع کرنا تاں جے وسیع برابری، تنوع اتے مشمولیت دا احاطہ کیتا جاوے – حوالے دیاں شرطاں نال اتفاق اتے وسیع تر عمل / کم دے منصوبے نُوں بنایا جاوے۔

Platfform دا اتحادی پروگرام قائم کرنا

اہم عملے دے سکھن لئی تعلیمی مواد لاگو کرنا – جداں بھرتیاں اتے عملے دی تربیت

Diverse Cymru دی منظوری – ایہہ ساڈیاں مرکزی اہم ٹیماں لئی جاری اے، اتے ایتھے دوجے علاقیاں وچ کم شروع کرن لئی ویلے متھے ہوئے منصوبے دتے گئے نیں۔

 ساڈے انسداد نسل پرستی دے بیان نوں سجرا کرنا اتے عوامی طور تے کیتی جان والی پیش رفت دا اظہار

جامع تنوع اتے مشمولیت دی پالیسی نوں عمل وچ لیانا

ایہہ پک کرنا کہ ساڈی ثقافت اتے اقدار نُوں فروغ دیندیاں ہوئیاں ساڈی ویب سائٹ ساڈے لوکاں دا لشکارا اے

ساڈے انسداد نسل پرستی دے عملی منصوبے اتے وسیع تر برابری، تنوع اتے مشمول موضوعات تُوں متعلقہ عملے دیاں ورکشاپاں نال جاری رکھنا

انتظامی ٹیم اتے مینیجراں لئی لاشعوری متعصبانہ تربیت

وکھو وکھ برادریاں نال وڈی پدھر تے تعلقات نوں مضبوط کرنا

برابری، تنوع اتے مشمول قیادت دے طور تے میرا کردار

میں Platfform وچ تبدیلی لیاون لئی کم کر رہیا آں، ایہہ یقینی بنان لئی کہ ساریاں لئی برابری نال کارکردگی وکھان دے مواقع موجود نیں، اتے سانوں ایداں دی تنظیم بنان وچ مدد دیندی اے جیہڑی وسیع پیمانے دے پچھوکڑ اتے تجربیاں دا لشکارا پاؤندی اے۔ میں کوئی ایداں دیاں رکاوٹاں، نظام اتے عوامل ہٹان لئی کم کر رہیا آں جیہڑے نقصان دیندے نیں، امتیازی سلوک کردے نیں یا عدم برابری دی معاونت کردے نیں، تاں جے ایہہ پک کیتا جا سکے کہ Platfform حل دا حصّہ اے نا کہ مسئلے دا۔

(ساڈے CEO) یوون (Ewan) اتے مینوں پتا اے کہ حقیقی، بامقصد تبدیلی لیاؤن لئی، سانوں پہلاں واضح مقصد، اتے میل پتھراں دی لوڑ اے جیہدے لئی اسیں جواب دہ آں۔ تُسیں ایتھے ایہناں بارے ہور کھوج وی کر سکدے او۔

ساڈے انسداد نسل پرستانہ عملی گروپ ایہہ نمایاں کرن لئی مدد دے رہے نیں کہ سانوں بُہتی مشمول تنظیم بنن لئی کیہ کرن دی لوڑ اے، جتھے عملہ ایہہ محسوس کرے کہ اوہ روزانہ آپنے آپ ورگیاں وچ ای موجود ہو سکدے نیں۔ اسیں بُہت پیش رفت کیتی، پر اجے واہوا کجھ کرنا باقی اے۔

نالے اسیں اوہناں لوکاں نال کم کر رہے آں جیہڑے آپنے شُعبیاں دے ماہر نیں، جیہڑے ساڈے نال آپنے نال ہون والے تجربیاں دی سانجھ پا رہے نیں، اتے نویں نسل پرستی دی حقیقت بارے سانوں آگاہ کرن لئی ساڈی مدد کر رہے نیں۔

میں Tai Pawb ولوں معاونت کردہ آزاد پینل دا حصہ آں۔ میں پینل وچ آپنی معاونت دین اتے دوجیاں تنظیماں نال آپنے سکھن اتے تجربے دی سانجھ پاؤن لئی اتے ایہدے نال اپنے اتے Platfform دے تبدیلی دے عزم نُوں ظاہر کرن لئی شامل ہویا۔

حالیہ طور تے میں  Equal Power Equal Voice Cross-Equalities Public Life Mentoring Programme وچ آپنی تھاں بنان وچ کامیاب ہو گیا آں اتےEYST ولوں ساڈی رہنمائی کیتی جاوے گی۔ عوام دی زندگی اتے سیاست وچ ساڈا اثر اتے تاثر ودھان لئی EYST ایہو جہے نسلی پچھوکڑ رکھن والیاں نوں معاونت دین لئی کم کردی اے جیہڑے UK وچ اقلیت، معذور افراد، زنانیاں، اتے LGBTQ+ برادری نال تعلق رکھن والے نیں۔

آپنی ایس سجری گل دے اخیر تے آندیاں، میں اک اہم سبق سکھیا اے:

پہلاں میری آواز نہیں سی، پر ہُن ہیگی اے۔ Platfform، اتے میں ہن بہتا چر چُپ نہیں رہواں گا۔

اسیں آپنے آپ نوں بہتر کم کرن لئی للکرنا جاری رکھاں گے، اسیں اک دوجے نوں تعلیم دینا اتے معاونت دینا جاری رکھاں گے، اتے اسی ایس گل دا پک کراں گے کہ تنظیم وچ ہر کسے کول اوہ ذرائع ہون جیہڑے ساڈے نال کم کرن والے لوکاں لئی موزوں ہون۔

لوکیں / تنظیماں جنہاں ساڈے ایس سفر وچ ساڈی مدد کیتی اتے مدد کرنا جاری رکھن گے:

ویلز وچ ابوبکر میدن سیاہ فام تریخ (Abu-Bakr Madden Black History) اک ٹریننگ اے

سیام فاماں دی زندگی اہم اے ویلز(Black Lives Matter Wales) – دوپہر دا کھانا اتے سکھنا

Diverse Cymru – ثقافتی اہلیت

Tai Pawb گلاں نہیں کم (Tai Pawb Deeds Not Words)

میریلن برائن جونز (Marilyn Bryan-Jones) – تنوع اتے مساوات دی صلاحکار